[Halkan Ka Akhriso]:-Taariikhda Guddoomiyaha Cusub Ee Baarlamaanka Somaliya

0
Monday April 30, 2018 - 17:14:20 in Wararka by Abdi A.
  • Visits: 398
  • (Rating 0.0/5 Stars) Total Votes: 0
  • 0 0
  • Share via Social Media

    [Halkan Ka Akhriso]:-Taariikhda Guddoomiyaha Cusub Ee Baarlamaanka Somaliya

    Muqdihso-(Caalami-News)-Xildhibaanada Baarlamaanka Soomaaliya ayaa maanta Guddoomiyaha Baarlamaanka Soomaaliya u doortay Maxamed Mursal Sheekh C/raxmaan ka dib doorasho ka dhacday Muqdisho.

    Share on Twitter Share on facebook Share on Digg Share on Stumbleupon Share on Delicious Share on Google Plus

Muqdihso-(Caalami-News)-Xildhibaanada Baarlamaanka Soomaaliya ayaa maanta Guddoomiyaha Baarlamaanka Soomaaliya u doortay Maxamed Mursal Sheekh C/raxmaan ka dib doorasho ka dhacday Muqdisho.





Maxamed Mursal Sheekh C/raxmaanwaxa uu ku dhashay magaaladda Baydhabo sannadkii 1957-kii, wuxuuna W/barashadiisa ilaa Dugsiga Sare ku soo kala qaatay magaallooyinka Baydhabo iyo Muqdisho.


Inta uusan ku soo biirin Hay’addaha Dowladda waxa uu mar soo noqday Ku-xigeenka Guddoomiyaha Baydhabo, wuxuu kale caan ku ahaa Hawlaha Bulshadda, isagoo gacan ka geysta Biyo-gelinta magaalladda Baydhabo iyo sidii Teknoolajiyadda Casriga loo gaarsiin lahaa Baydhaabo.



Dadka isaga jaalka la ah ama ay isla soo shaqeeyeen waxay kaloo sheegaan inuu Dugsi lagu barto Kombiyuutarka iyo Software-ka ka hirgeliyey Baydhabo xilli ay Reer Baydhabo u soo aadi jireen Muqdisho, si ay u bartaan Kombiyuutarka iyo Teknoolajiyada Elektoroonika.


Maxamed Mursal Sh. C/raxmaan waxa uu Waxbarashadiisa Jaamacadeed ku soo qaatay dalka Yemen, wuxuuna ka soo qalin jebiyey Jamaacadda Sayniska iyo Teknoolajiyadda (University of Science and Technology) oo ku taalla Caasimadda dalkaasi ee Sanca.


Waxa kale oo uu Shahaaho ama Diploma ka haystaa Teknoolajiyada Warfaafinta (Diploma of Information Technology) iyo Shahaadada Xiriirka Dadweynaha (Diploma of Public Relation).

Maxamed Mursal Sheekh C/raxmaan waxa uu dadaal dheer kadib nasiib u yeesho in loo magacaabo Xil Danjirenimo.


Danjire Maxamed Mursal Sh. C/raxmaan waxa uu Waraaqihiisa Aqoonsiga Danjirenimo u gudbiyey Madaxweynihii hore ee Turkiga, Cabdalla Guul taariikhdu markay ahayd bishii July 6-dii ee sannadkii 2012-kii.


Danjire Maxamed Mursal waxaa Xilkaasi laga qaaday bishii May 28-dii ee sannadkii 2015-kii, kadib, markii ay soo baxeen Cabasho iyo Dhaliil ka dhex jirtay Safaaradda Soomaaliya ku lahayd Turkiga.


Maxamed Mursal Sh. C/qaadir waxaa uu bishii November 25-dii ee sannadkii 2015-kii noqday Wasiirkii Korantada iyo Biyaha ee Xukuumaddii Ra’isul-wasaare Cumar C/rashiid.

Tan iyo markii ay Dowladdii Federalka ee Madaxweyne Xasan Sheekh Maxamuud laga guuleystay, Maxamed Mursal Sh. C/raxmaan wax Xil Dowladeed ma haynin ilaa Bishii November 2017-kii oo uu Ra’isul-wasaare Xasan Cali Kheyre u magacaabay Xilka Wasiirka Difaaca ee XFS.


Wasaaradda Difaaca ayaa Bilaa Wasiir ahayd tan iyo bishii October 12-dii ee sannadkaasi, kadib, markii uu Wasiirkii hore, C/rashiid C/llaahi Maxamed iska casilay Xilkaasi.

Maxamed Mursal Sheekh C/raxmaan ayaa la sheegay in ay waday Xukuumadda Xasan Cali Kheyre.

 

 

 

 



Caalaminews/Hargeysa

info@caalaminews.com

 




Leave a comment

  Tip

  Tip

  Tip

  Tip

  Tip